Եթովպիայի արևմուտքում ուղևորատար ավտոբուսի վրա նախօրեին տեղի է ունեցել զինված հարձակում, որի հետևանքով զոհվել է 19 մարդ, 8-ը վիրավորվել են: Այս մասին հաղորդում է «Ազատություն» ռադիոկայանը:
Գամբելա նահանգի ղեկավարը հայտնել է, որ հարձակվողները կրակ բացելուց առաջ թալանել են ուղևորներին: Այս հարձակման համար ծայրահեղական կազմակերպություններից և ոչ մեկն առայժմ չի ստանձնել պատասխանատվություն:
Տեղեկացնենք նաև, որ Եթովպիայի որոշ նահանգներում ապստամբ խմբավորումները հաճախ են հարձակումներ գործում, որոնց նպատակը մարդկանց թալանելն է:
