Թուրքիայի վարչապետ Ռեջեփ Թայիփ Էրդողանը հայտարարել է, որ Նաթանյահուի կառավարությունն ամենավատն է Իսրայելի պատմության մեջ: Al-Jazeera հեռուստաընկերությանը տված հարցազրույցում Էրդողանն ասել է, որ Լիբերմանը (Իսրայելի արտաքին գործերի նախարար.- 1in.am) Իսրայելի ամենամեծ խնդիրն է, և կոչ է արել Իսրայելի հասարակությանը գահընկեց անել նրան: Նա Արևմուտքի` «Համասին» տված բնորոշումը չի ընդունել և հայտարարել է, որ խաղաղությունն անհնար է, քանի դեռ նա («Համասը».- 1in.am) չի բերվել բանակցությունների սեղանի շուրջ: «Համասն» ահաբեկչական կազմկերպություն չէ: Նրանք մարդիկ են, ովքեր պաշտպանում են իրենց հողը: Դա շարժում է, որը մսանակցել է ընտրություններին և հաղթել է»,- ասել է Էրդողանը:
Նա նաև վերահաստատել է իր քաղաքականությունը Իսրայելի դեմ` շեշտելով, որ «քանի դեռ Նաթանյահուի կառավարությունը չի փոխել իր քաղաքականությունը, չի կարելի ակնկալել, որ մերը կփոխվի»,- Al-Jazeera-ին ասել է Էրդողանը: