Բրյուսելում ինքնասպանը ավտոմեքենայով մխրճվել է Կատարի դեսպանին ուղեկցող ավտոշարասյան մեջ, որը գնում էր թագավոր Ալբերտ 2-րդին այցելության: Այս մասին հայտնում է Belga գործակալությունը` հղում կատարելով բելգիական ոստիկանությանը: Պատահարի հետևանքով տուժել են մոտոցիկլետներով 8 ոստիկաններ, որոնք այդ պահին մոտոցիկլետները կայանում էին Լակենյան պալատի դիմաց, որտեղ տեղի էր ունենում հանդիպումը:
Նրանցից երկուսը ստացել են մարմնական ծանր վնասվածքներ, մեկի վիճակը ծանր է: Դեսպանն այդ ժամանակ եղել է թագավորի հետ հանդիպման: Այս մասին հայտնել է թագավորական պալատի ներկայացուցիչը:
Ավտոմեքենայի վարորդը, որին ձերբակալել են, նույնպես տուժել է. նա տեղափոխվել է հիվանդանոց: Մինչ այդ նա հարցաքննության ժամանակ ասել է, որ ցանկացել է այդ կերպ վերջ տալ իր կյանքին:
Դեպքի ականատեսներից մեկը պատմել է, որ ամեն ինչ այնքան արագ է կատարվել, որ հնարավոր չի եղել պարզել` վարորդը դիտմա՞մբ է ոստիկանների ուղղությամբ վարել, թե ՞ պատահաբար:
Հավելենք, որ Բրյուսելի դատախազությունը վարորդի գործողությունը որակել է ինքնասպանության փորձ: Այս մասին տեղեկացնում է Gazet van Antwerpen-ը:
