ԱՄՆ նախկին նախագահ Ջիմի Քարթերը հայտարարել է, որ Բիլ Քլինթոնը սխալվում է, երբ ասում է, թե ռուս հրեաները դեմ են պաղեստինցիների հետ խաղաղության հաստատմանը: Այս մասին Քարթերն ասել է` հանդիպելով ռուսախոս ներգաղթյալների հետ, հաղորդում է NEWSru Իսրայելը: Քարթերն այստեղ էր ժամանել ավագանիների խորհրդի հետ միասին, որի կազմում են Իռլանդիայի նախագահ Մերի Ռոբինսոնը, ՄԱԿ-ի նախկին դեսպան Լահդար Բրամինին, Հնդկաստանի ներկայացուցիչ Էլա Բհաթը: Ավագանիները հանդիպումներ են ունեցել նաեւ Ղազայում, Ռամալայում, Սիրիայում, Հորդանանում եւ Իսրայելում:
Որպես բանախոս` հանդես է եկել նաեւ Ռոբինսոնը, որի հիմնական ուղերձն այն էր, թե պաղեստինյան Համաս խմբավորումը պետք է մասնակցի բանակցություններին: Ռոբինսոնը բերել է Իռլանդիայի հանրապետական բանակի հաջող օրինակը` հայտնելով, որ այդպիսի կազմակերպությունների համար պետք է խաղաղ գործընթացում ինտեգրվելու հնարավորություն ստեղծել: