Նորանշանակ քաղաքապետ Կարեն Կարապետյանը, մեր աղբյուրների հաղորդմամբ, վարչական շրջանների ղեկավարների վրա բյուջեի տեսքով «հարկ» է դրել։ Սա նոր քաղաքապետի առանցքային նորամուծություններից է: Ըստ այդմ, վարչական շրջանի ղեկավարները պարտավորվել են յուրաքանչյուր ամիս` մինչև ամսվա վերջը, լիովին ապահովել քաղաքային բյուջեով նախատեսված եկամուտների ողջ ծավալը։
Նշենք, որ վարչական շրջանի ղեկավարները հիմնականում նախկին քաղաքապետ Գագիկ Բեգլարյանի «թիմակիցներն» են, և պաշտոնանկությունների այս թոհուբոհում նրանց ոչինչ չի մնում, քան կատարել նորանշանակ քաղաքապետի պահանջները։ Ավելին` նրանց մեծ մասը, քաղաքապետի նշանակման ամիսը չլրացած, արդեն ամսական բյուջեները 100 տոկոսով կատարել են։