ԱՄՆ-ը, նրա դաշնակից և գործընկեր երկրները սկսել են քննարկել Սիրիայում հնարավոր ռազմական ներխուժման հարցը, չնայած նրան, որ թե՛ Վաշինգտոնը և թե՛ նրա դաշնակիցները բազմիցս հրապարակավ հայտարարել են, որ այս պահին նման հարց չի քննարկվում: Այս մասին գրում է The Washington Post-ը:
Որպես միջամտության հնարավոր տարբերակներ քննարկվում են ընդդիմության զինման, հումանիտար միջանցք, ապստամբների համար անվտանգության գոտի ստեղծելու, ինչպես նաև Սիրիայի հակաօդային պաշտպանությունը չեզոքացնելու համար գործողություններ սկսելու հարցերը:
Երեկ, օրվա ընթացքում, ՄԱԿ-ի հատուկ բանագնաց, այդ կազմակերպության նախկին գլխավոր քարտուղար Քոֆի Անանը բանակցություններ է վարել սիրիական իշխանությունների հետ, սակայն լրատվամիջոցները հաղորդում են, որ այդ բանակցություններն իրական արդյունքների չեն հանգեցրել:
