Իրանական շիա հոգևորականության երկու ազդեցիկ ներկայացուցիչներ` Այաթոլլա Մոկարրամ Շիրազին և Այաթոլլա Սաֆի Գոլպաեգանին իրանցիներին կոչ են արել չնշել «Չարշամբե սուրի» («Կարմիր չորեթքշաբթի») տոնը: Կրակի այդ հնագույն տոնը Իրանում ավանդաբար նշվում է Նոր տարուց` Նոուրուզից առաջ, իրանական տարվա վերջին չորեքշաբթի օրվա գիշերը, որն ավարտվում է մարտի 20-ին:
«Կարմիր չորեքշաբթին» մինչիսլամական տոն է: Գարնան գալը «կրակի հետ խաղ անելով» նշելը ծագում է դեռ այն ժամանակներից, երբ Պարսկաստանի (Իրանի նախկին անվանումը) հիմնական կրոնը զրադաշտությունն էր`կրակի պաշտանմունքը:
Իրանի ներկայիս իշխանությունները չեն ողջունում այս տոնը նշելը՝ ընդգծելով, որ այդ ծեսը հեթանոսական է և իսլամի հետ որևէ առնչություն չունի:
Չնայած հոգևորականության կարծիքին՝ իրանցիները սրբորեն պահպանում են բազմադարյան ավանդույթը` վերջին չորեքշաբթի օրը կրակ վառելով։ Այս մասին հաղորդում է ИТАР-ТАСС-ը:
Անցած տարի այդ գիշերը միայն Թեհրանում տեղի էին ունեցել 296 մեծ և փոքր հրդեհներ:
