Քրիս Համֆրիսին մոտ կանգնած աղբյուրները հայտնել են, որ երիտասարդը Քիմ Քարդաշյանի հետ իր հարսանիքից ոչ մի օգուտ չի ստացել:
TMZ-ի փոխանցմամբ՝ ինչպես հայտնի էր, Քիմն ու Քրիսը միասնական հաշվեհամար էին բացել, որին պետք է փոխանցվեր հարսանիքից ստացված ողջ գումարը: Աղբյուրները հայտնում են, որ Քրիսը կարողացել է գումարներ ստանալ հարսանիքի նկարները վաճառելու և Քիմի շոուում հայտնվելու միջոցով, բայց այդ ողջ գումարը նույնպես փոխանցվել է միասնական հաշվեհամարին: Եվ չնայած հաշվեհամարը միասնական էր, իսկ դա նշանակում է, որ և Քրիսը, և Քիմը կարող էին օգտվել այդ գումարից, սակայն պարզվում է, որ Քրիսը երբեք չի փորձել վերցնել իր բաժին գումարը:
Ինչպես նախկինում հաղորդվել էր, ամուսնալուծության համար Քրիսը Քիմից միլիոններ էր պահանջում՝ չնայած զույգն ամուսնացած է եղել միայն 72 օր:
Քրիսին մոտ աղբյուրների հաղորդմամբ՝ ամուսնությունը չեղյալ կհամարվի միայն այն ժամանակ, երբ հայտնի կդառնա զույգերից մեկի խարդախության մասին, որը քիչ հավանական է:
Քրիսի դատապաշտպանը նախընտրել է որևէ մեկնաբանություն չանել այս ամենի վերաբերյալ:
