Ինչպես հաղորդում է RBC.RU կայքը, ԱՄՆ Կոնգրեսի ներկայացուցիչների պալատի անդամ Գաբրիել Գիֆորդսը սկսել է ինքնուրույն շնչել: Նա նաև արձագանքել է բժիշկների հրամաններին` շարժելով ձեռքի մատները: Սակայն նրա վիճակը դեռ ծանր է, այս մասին լրագրողներին է հայտնել բուժող բժիշկ` Մայքլ Լեմոլը:
Հիշեցնենք, որ Գիֆորդսը վիրավորվել էր հունվարի 8-ին հրազենային կրակոցից, երբ դուրս էր գալիս Արիզոնա նահանգի հարավում գտնվող մթերային խանութից:
22-ամյա Ջարեդ Լոկները Գիֆորդսին կրակել է հետևից, փամփուշտը մտնելով 40-ամյա պատգամավորի պարանոցի մեջ դուրս է եկել ճակատային մասից, վնասելով ուղեղային այն հատվածը, որը պատասխանատու է խոսքի համար: Գիֆորդսի դեմ մահափորձի հետևանքով զոհվել է 6 մարդ, ևս 6-ը` վիրավորվել, որոնցից 3-ի վիճակը ծանր է: Միջադեպը տեղի է ունեցել Արիզոնայի Թուսան քաղաքում: Հարկ է նշել, որ Գիֆորդսն այն ակտիվիստներից է, ովքեր պայքարում են, որ ԱՄՆ քաղաքացիները կարողանան գնել և ազատ զենք կրել:
Թե ինչու է 22-ամյա Ջարեդ Լոկներն այդ քայլին դիմել, դեռ հստակեցված չէ, սակայն Հետախուզությունների դաշնային բյուրոյի աշխատակիցները, ուսումնասիրելով ինտերնետում տեղադրված նրա վիդեոֆայլերը, պարզել են, որ երիտասարդը շատ լրջորեն մտահոգված է ԱՄՆ դոլարի ներկայիս վիճակով և երկրի Սահմանադրությունում տեղ գտած փոփոխություներով: Իր օնլայն օրագրերում Լոկները նշում է, որ «չի կարող վստահել ներկայիս կառավարությանը» և իրեն համարում է զինվորական «նորակոչիկ»:
Նկարում` Գիֆորդսի ամուսինը` նրա ձեռքը բռնած:
