1926թ. այս օրը Երևանում ծնվեց հանրապետության ժողովրդական արտիստ, դիրիժոր, մանկավարժ Արամ Քաթանյանը:
1950թ. ավարտել է Երևանի կոնսերվատորիան (պրոֆեսոր Կոնստանտին Սարաջյանի դասարան): Սվերդլովսկի Ռադիոյի սիմֆոնիկ նվագախմբի դիրիժորն էր: 1958-ից եղել է Երևանի օպերային թատրոնի դիրիժոր, իսկ 1964-1970թթ. և 1974-1982թթ.` նույն թատրոնի գլխավոր դիրիժորը:
Օպերային թատրոնում բեմադրել է Ստրավինսկու «Էդիպ արքա», Բեռնսթայնի «Վեսթսայդյան պատմություն», Բելինիի «Նորմա», Մենոտիի «Հյուպատոս» օպերաները, ինչպես և Ա. Խաչատրյանի «Սպարտակ», Է. Հովհաննիսյանի «Հավերժական կուռք», Գ. Եղիազարյանի «Անուրջների լիճ» և «Արա Գեղեցիկ և Շամիրամ» բալետները, Ա. Հարությունյանի «Սայաթ-Նովա» օպերան և այլ գործեր:
Եղել է ՀՊՖՆ գեղարվեստական ղեկավարը և գլխավոր դիրիժորը 1970-1973թթ.: ՀՊՖՆ-ում աշխատելու տարիներին Ա.Քաթանյանը հնչեցրել է Մահլերի թիվ 4 սիմֆոնիան, Բեռլիոզի «Հարոլդը Իտալիայում» սիմֆոնիան, եվրոպական, ռուս և հայ կոմպոզիտորների նոր գործեր:
Մահացել է 1998թ.:
