Երեկ Մակեդոնիայի տարածքում բախումներ են տեղի ունեցել ալբանացիների և մակեդոնացիների միջև: Լարվածությունը ծագել է միանգամից մի քանի քաղաքներում, այդ թվում` Տետովոյում, որտեղ 2001թ.-ին սկսվել էր մակեդոնա-ալբանական ռազմական առճակատումը: Այս մասին հաղորդում են մակեդոնական լրատվամիջոցները:
Նշվում է, որ միջադեպերից մեկը տեղի է ունեցել մայրաքաղաք Սկոպյեում. 4 ալբանացիներ ծեծի են ենթարկել 3 անչափահաս մակեդոնացիների: Փայտերով դաժան ծեծից հետո մակեդոնացի պատանիներից մեկը տեղափոխվել էր հիվանդանոց: Հայտնի է դարձել նաև, որ մի խումբ ալբանացիներ Տետովո քաղաքում հարձակվել և ծեծի են ենթարկել 16-ամյա մի օրիորդի:
Այլ միջադեպեր են արձանագրվել մայրաքաղաք Սկոպյեում և միջքաղաքային ավտոբուսներից մեկում:
Վերլուծաբանները լարվածության աճի միտում են տեսնում:
