Ֆրանսիայի նախագահ Նիկոլա Սարկոզին, ըստ հարցումների արդյունքների, Եվրոպայում ամենաքիչ ժողովրդականություն վայելող ղեկավարն է:
Ինչպես գրում է Reuters-ը, Սարկոզին, ով այժմ Ֆրանսիայում նախընտրական քարոզարշավ է սկսել` գալիք նախագահական ընտրություններում վերընտրվելու նպատակով, ըստ ազգային հարցումների, քիչ ժողովրդականություն է վայելում նաև Ֆրանսիայում` համեմատած իր հակառակորդ Ֆրանսուա Հոլանդի հետ:
Այս նոր հետազոտությունն ապացուցում է, որ նրա նկատմամբ նույնն վերաբերմունքն է նաև Եվրոպայում:
Հարցումներն անցկացրել է BVA Opinion-ը: Տվյալների համաձայն՝ հարցումների մասնակիցների 58 տոկոսն այնքան էլ լավ կարծիք չի ունեցել Սարկոզիի մասին: Մյուս ամենաքիչ ժողովրդականություն վայելող ղեկավարը Բրիտանիայի վարչապետ Դևիդ Քեմերոնն է` 42 տոկոսով, այնուհետև Գերմանիայի կանցլեր Անգելա Մերկելը` 41 տոկոսով։ 4-րդ ամենաքիչ ժողովրդականություն վայելող ղեկավարն Իտալիայի վարչապետ Մարիո Մոնտին է, այնուհետև Իսպանիայի վարչապետ Մարիանո Ռախոյը:
Հարցումներին մասնակցել է 4217 մարդ՝ Ֆրանսիայից, Իսպանիայից, Իտալիայից, Գերմանիայից և Մեծ Բրիտանիայից:
