Թուրքական Dünya Bülteni կայքի փոխանցմամբ ՝ Իրանը Վենեսուելայի բանակի համար ատրադրելու է անօդաչու թռչող սարքեր (ԱԹՍ): Այս մասին երեկ հայտարարել է ԱՄՆ Հարավային հրամանատարության ղեկավար, գեներալ Դուգլաս Ֆրասերը:
Վերջինիս խոսքերով՝ Իրանը գործունեություն է ծավալում ԱՄՆ-ի թիկունքում՝ վենեսուեալական բանակին պատրաստվելով մատակարարել սեփական արտադրության ԱԹՍ-եր: Ֆրասերը հայտարարել է, որ իրեն հայտնի չէ, թե այդ ԱԹՍ-երի ստացումից հետո Վենեսուելան ինչպես է վարվելու դրանց հետ:
Նա հավելել է, որ իրանական արտադրության այդ ԱԹՍ-երն իրենց բարձր տեխնոլոգիաներով նման չեն ամերիկյան Predator («Գիշատիչ») ԱԹՍ-ին: Ֆրասերն ուշադրություն է հրավիրել նրա վրա, որ Իրանը պատրաստվում է Հարավային Ամերիկայում ունեցած դեսպանատների քանակը 5-ից հասցնել 10-ի, իսկ լատինամերիկյան մի շարք երկրներում հիմնել մշակութային կենտրոններ:
