CNN-ին տված հարցազրույցի ժամանակ ԱԷՄԳ-ի գլխավոր տնօրեն Յուկիա Ամանոն հայտարարել է, որ Իրանն անկեղծ չէ իր միջուկային ծրագրի վերաբերյալ հայտարարություններում.
«Իրանը ՄԱԿ-ին չի հայտնել իր միջուկային ծրագրի հետ կապված մի շարք ասպեկտներ: Իրանը թաքցնում է որոշ բաներ: ԱԷՄԳ-ի փորձագետները հետազոտել են իրանական մի շարք միջուկային օբյեկտներ: Կարելի է ասել, որ այդ օբյեկտների աշխատանքն իրականացվում է խաղաղ նպատակներով:
Սակայն կարող են լինել նաև այլ օբյեկտներ, որոնց մասին չի իրազեկել Իրանը: Մենք ունենք կասկածներ, ինչպես նաև տեղեկատվություն, որ այդ օբյեկտներում Իրանը զբաղված է իր միջուկային ռազմական ծրագրի գործունեության զարգացմամբ»:
Հիշեցնենք, որ սրանից առաջ էլ Ամանոն ԱԷՄԳ-ի գլխավոր տնօրեն Յուկիա Ամանոն, Վիեննայում ելույթ ունենալով ԱԷՄԳ-ի գործադիր խորհրդի 35 անդամ երկրների ներկայացուցիչների առջև, հայտարարել էր, որ իրանական կողմը հապճեպ մաքրում է Թեհրանի մոտ ընկած «Փարչին» օբյեկտը, ուր առաջիկայում այցելելու են ԱԷՄԳ-ի փորձագետները:
