ԱՄՆ-ում առաջին անգամ պատժամիջոցներ են կիրառվել Իրանական հեղափոխության պահակազորային կորպուսի կազմի մեջ մտնող «Ալ-Քուդս» հատուկ ծառայության գեներալ Գոլյամերզ Բագխանի նկատմամբ:
ԱՄՆ-ի ֆինանսների նախարարության հաղորդագրության համաձայն՝ Բագխանին մեղադրվում է թմրանյութերի մատակարարման մեջ մասնակցություն ունենալու համար:
«Մեր կողմից ձեռնարկված գործողությունները կբացահայտեն Իրանական հեղափոխության պահակազորային կորպուսի մասնակցությունը թմրանյութերի տարածման մեջ»,- հայտարարել է ֆինանսների նախարարի տեղակալ Դևիդ Կոենը: Նա ընդգծել է, որ ամերիկյան ֆինանսական գերատեսչությունն «ամենուր կբացահայտի թմրանյութերի մաֆիայի խբավորումները, որտեղ էլ որ նրանք գործեն»:
Ինչպես նշվում է ֆինանսների նախարարության հաղորդագրության մեջ, Բագխանին Աֆղանստանի սահմանին մոտ բնակավայրերից մեկում ղեկավարում է «Ալ-Քուդսը»: «Գեներալ Բագխանին աֆղանական թմրանյութերի մաֆիային թույլ է տվել անհրաժեշտ աջակցության դիմաց իրանական սահմանով անցկացնել թմրանյութեր»,- ասվում է հայտարարության մեջ:
Պատժամիջոցների արդյունքում սառեցվում են Բագխանիի բոլոր ակտիվները, որոնք կարող են գտնվել ԱՄՆ-ի իրավասության տակ: Ամերիկայի քաղաքացիներին արգելվում է իրանցի գեներալի հետ որևէ գործնական շփում ունենալ։ Այս մասին հաղորդում է ИТАР-ТАСС-ը: