Ղազախստանի հարավում գտնվող Կըզըլորդի քաղաքի բնակիչն իր կնոջ համար ծաղկի խանութում պատվիրել է միլիոն ալ վարդեր: Այս մասին հայտնում է պետական Экспресс-К թերթը:
Պարբերականի տվյալներով` տղամարդը վիճել է կնոջ հետ և որոշել նրան Մարտի 8-ի առթիվ ծաղիկներ նվիրել ու հայցել նրա ներողամտությունը: Նախնական գումարն արդեն վճարված է:
«Մենք արդեն ծաղիկները պատվիրել ենք Ալմաթիում, բոլոր վարդերը լինելու են հոլանդական, ալ կարմիր ու հավասար բարձրության: Մենք հաճախորդին նաև զեղչ կանենք: Մեր քաղաքում դեռևս այդպիսի պատվեր չի եղել»,- խանութի տիրուհու խոսքերն է մեջբերում թերթը:
