ՄԱԿ-ի Անվտանգութան խորհուրդը երեքշաբթի սկսել է Սիրիայի դեմ ԱՄՆ-ի առաջարկած նոր բանաձևի քննարկումները,- հաղորդում է Associated Press-ը:
Գործակալության տրամադրության տակ հայտնված փաստաթղթից երևում է, որ սկզբում ռազմական գործողությունները պետք է դադարեցնեն կառավարական ուժերը, իսկ հետո՝ ընդդիմությունը: Ընդ որում, ընդդիմությանն ուղղված կոչն այնքան էլ համոզիչ չէ, որքան պաշտոնական Դամասկոսին ուղղված պահանջը: Բանաձևի նախագիծը դատապարտում է իշխանությունների կողմից մարդու իրավունքների խախտումները, սակայն դրանում հիշատակություն չկա վարչակարգի հակառակորդների կողմից իրականացվող հանցագործությունների մասին:
Այնուամենայնիվ, գործակալությունը նշում է, որ ամերիկյան բանաձևի տեքստն ավելի հավասարակշռված է, քան մինչ այդ եղած բանաձևի նախագծերը:
Հիշեցնենք. փետրվարի 4-ին ՄԱԿ-ի Անվտանգության խորհրդում Ռուսաստանը և Չինաստանը, օգտվելով վետոյի իրավունքից, արգելափակեցին Սիրիայի դեմ բանաձևը:
Սիրիայում արդեն շուրջ մեկ տարի է՝ շարունակվում են բախումները իշխանությունների և ընդդիմության ուժերի միջև: Այդ ընթացքում զոհվածների մասին տվյալները շատ տարբեր են: Երեկ ՄԱԿ-ի UNISAT արբանյակային հեռուստաալիքը հաղորդեց, որ զոհերի թիվն անցնում է 9000-ից:
