«Ժողովուրդ»-ի տեղեկություններով` ՀՀ կառավարության աշխատանքներն առաջվա ջերմեռանդությամբ չեն ծավալվում:
«Պատճառն այն է, որ նախարարներն ավելի շատ զբաղված են նախընտրական, կուսակցական գործերով քան` պաշտոնական: Եվ անգամ ծառայողական հեռախոսներով նրանք կուսակցական հանձնարարականներ են ստանում: Տեղեկությունը` ծառայողական հեռախոսների մասով մեզ հետ զրույցում հաստատեց նաև ՀՀ ԿԳ նախարար, ՀՀԿ-ական Արմեն Աշոտյանը` բացատրելով, որ դրանից իր աշխատանքը, միևնույն է, չի տուժում:
«Իսկ ՀՀԿ շտաբի նիստերին մասնակցո՞ւմ եք» հարցին Աշոտյանը պատասխանել է. «Ես շտաբի անդամ չեմ, համենայնդեպս` դեռ: Երբ որ շտաբն ամբողջական սկսի աշխատել, և ինձ հրավիրեն նիստերի` այս կամ այն հարցով կամ ստաբիլ, իհարկե կգնամ: Ինչի՞ մասին է խոսքը»:
«Փոխարենը Աշոտյանը վարչապետի հետ մասնակցում է կուսակցական այցերին դեպի մարզեր: Սա ևս մեկ անգամ ապացուցում է, որ ՀՀԿ-ի ներսում անառողջ մթնոլորտ է. Հովիկ Աբրահամյանի շտաբն առանձին է աշխատում, Տիգրան Սարգսյանինը` առանձին»,- հավելում է թերթը:
