ԼՂՀ Գլխավոր դատախազությունը հրապարակել է դեռեւս 2007 թվականին Ամարասի վանքային համալիրում իրականացված վերանորոգման աշխատանքների ժամանակ գումաներ յուրացնելու վերաբերյալ: Ըստ ԼՂՀ Գլխավոր դատախազության տվյալների՝ դատախազությունը յուրացման վերաբերյալ տվյալներ ստացել է ԼՂՀ Վերահսկիչ պալատից, որը պետական բյուջեի շրջանակում Ամարասի վանքային համալիրի վերականգնողական աշխատանքների կատարման վերաբերյալ հավաքագրված նյութերի շրջանակներում իրականացրել է լրացուցիչ ստուգումներ: Ստուգումների արդյունքումպարզվել է, որ 2007թվականի մայիսի 2-ից մինչեւ 2010 թվականի ապրիլի 20-ն ընկած ժամանակահատվածում Մարտունու շրջանի Ամարասի վանքային համալիրում նորոգման աշխատանքներ իրականացնելու ժամանակ, ԼՂՀ քաղաքաշինության նախարարի կողմից 2005, 2008 եւ 2010 թվականներին հաստատված շինարարական աշխատանքների հաշվարկման գների կարգին հակառակ, «Արեւիկ» ՍՊԸ տնօրեն Լեւոն Սարգսյանը կիրառել է ՀՀ քաղաքաշինոթյան նախարարության կողմից սահմանված գործակիցները եւ 150 մլն 200 հազար 870 դրամ գումարի կատարողական ակտեր ներկայացնելով` ավել հաշվարկված առանձնապես խոշոր չափերի հասնող 11 մլն 509 հազար 480 դրամ գումարը յուրացրել: Ստուգումների արդյունքում հարուցվելէ քրեական գործ` ԼՂՀ ՔՕ 179-րդ հոդվածի 3-րդ մասի 1-ին կետով` «Յուրացնելը կամ վատնելը առանձնապես խոշոր չափերով»: Նախաքննությունը վարում է ԼՂՀ կառավարությանն առընթեր Ոստիկանության քննչական վարչությանը:
