Tribune de Geneve-ը տեղեկացնում է, որ «Չելսի»-ի սեփականատեր Ռոման Աբրամովիչը Ժնևում հանդիպել է Գերմանիայի ֆուտբոլի ազգային հավաքականի գլխավոր մարզիչ Յոահիմ Լյովի հետ: Հանդիպումը տեղի է ունեցել Ժնևի հյուրանոցներից մեկում։ Աբրամովիչը Լյովին առաջարկել է «Եվրո-2012»-ի ավարտից հետո գլխավորել «Չելսի»-ն։
Լյովի պայմանագրի ժամկետը Գերմանիայի ֆուտբոլի միության հետ լրանում է «Եվրո-2012»-ի ավարտից հետո։ 52-ամյա մասնագետը Գերմանիայի հավաքականը մարզում է 2004 թվականից։
Հիշեցնենք, որ «Չելսի»-ի ղեկավարությունը ս.թ. մարտի 4-ին Անդրե Վիլլաշ-Բոաշին հեռացրեց ակումբի գլխավոր մարզչի պաշտոնից։ Այդ պարտականությունները ժամանակավորապես կատարում է պորտուգալացու նախկին օգնական Ռոբերտ դի Մատտեոն։
Ավելի վաղ տարածվել էր տեղեկատվություն, որ «Չելսի»-ն կարող են գլխավորել Ռաֆայել Բենիտեսը կամ Ժոզե Մոուրինյոն։
