Չնայած շատերն են այն համարում ծերացումը կանխելու միջոց, բայց վիտամին E-ն ժամանակից շուտ ոսկորները թուլացնում է և փխրուն դարձնում: Այս մասին տեղեկացնում է Daily Mail-ը:
Նախնական ուսումնասիրությունները պարզել են, որ կենդանիները, որոնց կերակրել են միայն վիտամին E պարունակող սննդամթերքով, ավելի թույլ ոսկորներ ունեն: Մտահոգիչ է, որ այդ արդյունքը նկատելի է եղել 8 շաբաթ անց:
Գիտնականները այժմ ուսումնասիրություններ են կատարում մարդկանց շրջանում:
Հացահատիկները, ընկույզը, ձիթապտղի յուղը և ձվի դեղնուցը, որ պարունակում են այս վիտամինը, օգտակար են սրտի հիվանդություններից, քաղցկեղից խուսափելու համար, ինչպես նաև օգնում են ծերության ժամանակ պահպանել սուր միտքն ու հարթ մաշկը:
Սա ամենահայտնի վիտամիններից է և հարյուր հազարավոր, եթե ոչ միլիոնավոր բրիտանացիներ օրական օգտվում են դրանից:
Պրոֆեսոր Հելեն Մակդոնալդը ասել է. «Հարկ չկա անհանգստանալու, եթե դուք մեծ չափով վիտամին E եք օգտագործում ձեր սննդակարգում, միայն նրանք անհանգստանալու կարիք ունեն, ովքեր օգտագործել են սննդային հավելումների բարձր չափաքանակներ: Բացի այդ, պետք է հիշել, որ հետազոտությունը անցկացվել է կենդանիների հետ և մարդկանց դեպքում կարող է այլ արդյունք ունենալ: Այնուամենայնիվ, լրացուցիչ ուսումնասիրություններ են անհրաժեշտ»:
