2011 թ. ԱՄՆ-ում ոչ մի բանկ չի բացվել: Ինչպես գրում է The Financial Times պարբերականը, սա վերջին 30 տարում թերևս առաջին դեպքն է (սկսած 1984-ից):
Պարբերականը նկատում է, որ խոսքը «զրոյից ստեղծված» (de novo) ֆինանսական կազմակերպությունների մասին է, ոչ թե արդեն գոյություն ունեցող սնանկացած բանկերի մասին:
Ավելի վաղ ԱՄՆ ավանդների ապահովագրության դաշնային կորպորացիան (FDIC) հաղորդել էր երեք նոր չարտերի մասին (փաստաթուղթ բանկային գործառնությունների իրականացման համար), ինչը նվազագույն թույլտվությունն է` 1934-ից ի վեր: Այդուամենայնիվ, ինչպես հայտնում է FT-ն, այդ ֆինանսական կազմակերպությունները «զրոյից ստեղծված չեն»:
Վերջին տարիներին աստիճանաբար նվազում է նոր բանկերի թիվը: Ընդ որում` նման կտրուկ նվազումը հարուցված է 2008 թ. իրադարձություններով: Վերլուծաբանները սա բացատրում են նրանով, որ սնանկացած բանկ գնելը շատ ավելի հեշտ է, քան նորն ստեղծելը:
2011 թ. 198 բանկ կլանվել է, 92 ավանդային կազմակերպություններ սնանկ են ճանաչվել:
