Չնայած Apple ընկերությունը դեռևս չի թողարկել iPad 3-ը, բայց համացանցն արդեն լի է բամբասանքներով այն մասին, թե ինչ նոր հատկանիշներ է սարքն ունենալու:
Daily Mail-ը գրում է, որ երկրպագուներն անգամ ստեղծել են մի տեսագրություն, որտեղ ներկայացնում են այն հատկանիշները, որոնք իրենք կցանկանային, որ սարքն ունենար: Այդ հատկանիշների մեջ են մտնում հոլոգրաֆիկ 3D պրոյեկտորը և երկու iPad-ներն իրար միացնելու հատկությունը` ավելի մեծ էկրան ունենալու համար:
Ակնկալվում է, որ Apple ընկերությունը նոր iPad-ի մասին կհայտնի չորեքշաբթի օրը՝ Սան Ֆրանցիսկոյում կայանալիք միջոցառման ժամանակ:
