Ներկայացվել է նոր թաղապետը

Ինչպես տեղեկացրել էինք, Արաբկիր վարչական շրջանի ղեկավար Համլետ Մարգարյանը շուտով հրաժեշտ կտա իր պաշտոնին, որին, մեր աղբյուրների հաղորդմամբ, փոխարինելու է Կյաժ Էդոն` Էդիկ Մուշեղյանը։ Այսօր արդեն նորանշանակ քաղաքապետ Կարեն Կարպետյանը նրան ներկայացրել է որպես Արաբկիր վարչական շրջանի ղեկավար։ Հիշեցնենք, որ Կյաժ Էդոն նեղ շրջանակներում հայտնի է նրանով, որ նորանշանակ քաղաքապետ Կարեն Կարապետյանի մանկության ընկերն է, ավելին` մանկության տարիներին միասին հաճախել են բռնցքամարտի դպրոց: Տարիներ առաջ եղել է նաև Արաբկիրի նախկին թաղապետերից Հայկ Հովհաննիսյանի խորհրդատուն։
Հիշեցնենք նաև, որ դեռևս Արաբկիր վարչական շրջանի ղեկավար Համլետ Մարգարյանը Գագիկ Բեգլարյանի մտերիմներից և նրա նշանակած կադրերից էր: 2002 թ. նոյեմբերից մինչև 2009 թ. հունիսի 20-ը զբաղեցրել է Երևանի Կենտրոն թաղապետարանի աշխատակազմի քարտուղարի պաշտոնը: 2009 թ. հունիսից նախկին քաղաքապետ Գագիկ Բեգլարյանի նշանակումով զբաղեցրել է Արաբկիր վարչական շրջանի ղեկավարի պաշտոնը: 2006 թվականից նա անդամակցում է «Հանրապետական» կուսակցությանը: Ինչ վերաբերում է Կյաժ էդոյին, ապա նախկինում ճանաչողները, լսելով նրա անունը, արձագանքում էին` ի՞նչ է, նա արդեն Հայաստանո՞ւմ է: Բանն այն է, որ նա մի շարք կեղծարարությունների և քր. գործերի պատճառով տարիներ առաջ լքել էր Հայաստանը։