Հռոմի պապ Բենեդիկտոս 16-րդը կոչ է արել աշխարհի առաջնորդներին միջոցներ ձեռնարկել՝ պաշտպանելու քրիստոնյաներին բռնություններից և խտրականությունից:
Այս մասին Հռոմի պապը հայտարարել է Վատիկանում հավատարմագրված դեսպանների հետ հանդիպման ժամանակ` մեկնաբանելով քրիստոնյաների դեմ բռնությունները Եգիպտոսում, Իրաքում և Նիգերիայում: Բենեդիկտոս 16-րդի խոսքերով, կառավարությունները պետք է ավելի արդյունավետ մեթոդներ կիրառեն, որպեսզի կրոնական փոքրամասնություններին զերծ պահեն այդ և շատ ուրիշ վտանգներից:
Հռոմի պապը Պակիստանին կոչ է արել վերանայել իսլամը վիրավորելու համար օրենքը, որը, ըստ կաթոլիկ եկեղեցու ղեկավարի, հատուկ օգտագործվում է ոչ մուսուլմաններին պատժելու համար:
Այս մասին հաղորդել է «Ազատություն» ռադիոկայանը: