Facebook-ի Timeline–ը սոցիալական ցանցի օգտատերերի կողմից տարբեր արձագանքների արժանացավ: Ոմանք անհանգստացած էին փոփոխությունով, իսկ ոմանք էլ իսկապես ուրախ էին դրա համար: Այժմ, ինչպես հաղորդում է PCMAG.com-ը, օգտատերերն ավելի շատ կտեսնեն ցանցի այս նոր տեսքը:
Facebook ընկերությունն այսօր հայտարարել է, որ արդեն Timeline-ը հասանելի է բիզնեսի նպատակներով ստեղծված էջերի համար: Պատասխանատուները 30 օր ժամանակ կունենան էջի ձևավորմանը ծանոթանալու համար: Մարտի 30-ին էջերն արդեն լիովին հասանելի կլինեն նոր տեսքով: Իհարկե, հնարավոր է, որ էջը հրապարակվի նաև ավելի վաղ:
NBC’s TODAY Show-ն, Starbucks-ը, Nike-ը, Magnolia Bakery-ն, The New York Times–ը և Microsoft Windows-ն արդեն սոցիալական ցանցի իրենց էջերի համար օգտագործում են Timeline-ը: