Եվրամիությունն անհանգստություն է հայտնում ռազմաճակատում զոհված մարդկանց համար: Ինչպես տեղեկացնում է АПА-ն, այդ մասին այսօրվա տեսակոնֆերանսի ժամանակ հայտարարել է Եվրամիության ընդլայնման և եվրոպական հարևանության քաղաքականության հանձնակատար Շտեֆան Ֆյուլեն:
Նա նշել է, որ ԵԱՀԿ Մինսկի խմբի շրջանակներում ինտենսիվ գործընթաց է տեղի ունենում, և հայտարարել է Մինսկի խմբի աջակցությունն ընդլայնելու պատրաստակամության մասին: «Այս աջակցությունը հնարավոր է «Արևելյան գործընկերության» շրջանակներում:
Շ. Ֆյուլեն ասել է, որ ԵՄ–ն պատրաստ է միջոցառումներ իրականացնել՝ Ադրբեջանի և Հայաստանի միջև վստահությունը մեծացնելու համար: «Եվրամիության խորհրդի բանաձևը մատնանշում է այն, որ մենք միայն դիտորդներ չենք լինի՝ նույնիսկ հետկոնֆլիկտային շրջանում: Միաժամանակ մենք պատրաստ ենք միջոցառումներ անցկացնել հակամարտության կարգավորման, կողմերի միջև համագործակցության արգելքները վերացնելու համար»: