Ինչպես հաղորդում է Reuters գործակալությունը, առնվազն 10 մարդ է սպանվել Չինաստանի Սինցզյան նահանգում խռովարարների կողմից իրականացված հարձակման ժամանակ: Այս շրջանում կրկին աճել է լարվածությունը տեղի մուսուլմանների և չինացիների միջև:
Չինաստանի պետական Xinhua լրատվական գործակալությունը հայտնել է, որ հարձակման հետևանքով սպանվել է առնվազն 10 մարդ, մյուսները վիրավոր են: Հարձակվողներից երկուսը սպանվել են ոստիկանության կողմից:
Ույղուրները կազմում են Սինցզյանի բնակչության մոտ 40%-ը, սակայն որոշ քաղաքներում նրանք մեծամասնություն են կազմում: Ույղուրների դժգոհության պատճառն այն է, որ իշխանությունները փորձում են վերահսկողության տակ պահել նրանց կրոնական և մշակութային գործունեությունը:
