Միխեիլ Սաակաշվիլին պաշտոնական այցով Հայաստան է ժամանելու այս տարվա փետրվար ամսվա վերջին կամ մարտ ամսվա սկզբին: Ռուսական “Взгляд” պարբերականի փոխանցմամբ, այցի ընթացքում Սաակաշվիլին մտադիր է բարձրացնել հայկական արտադրողների կողմից վրացական բրենդների օգտագործման հարցը: Ներկայումս «Վրացպատենտ» պետական կառույցը քննություն է անցկացնում հայկական կողմից վրացական բրենդների իբր օգտագործման առնչությամբ: Վրացական լրատվամիջոցները կոչ են անում իրենց նախագահին հավասարակշռել հայկական կողմին այս խնդրով և պաշտպանել վրաց արտադրողների շահերը: Նախկինում վրացական ԶԼՄ-ները ահազանգել էին, թե իբր Ֆրանսիայում հայկական արտադրանքի անվան տակ վաճառվում են վրացական խաչապուրին, գինիներն ու չուչխելան (սուջուխը):