Թուրքիայի իշխանությունները «գրոհում են» Պարսից ծոցը

Արաբական Al-Ahram թերթից տեղեկանում ենք, որ Թուրքիայի վարչապետ Ռեջեփ Թայիփ Էրդողանը այսօր պաշտոնական այցով ժամանել է Քուվեյթ, որտեղ տեղի իշխանությունների հետ կքննարկի տնտեսական և քաղաքական երկկողմ հարաբերությունները: Էրդողանը կհանդիպի Քուվեյթի էմիրի, իր գործընկեր Շեյխ Նասեր Մուհամադ Ալ-Ահմադ Ալ-Սաբահի հետ: Թուրքիայի վարչապետը կմասնակցի թուրք-արաբական հիմնախնդիրներին վերաբերող համաժողովին, ինչպես նաև ելույթ կունենա թուրք-քուվեյթյան գործարար ֆորումում: Երկկողմ առևտուրն այս պահին կազմում է 1.7 դոլար մլրդ: Ընդ որում, վերջին տարիներին Թուրքիայի արտահանումն այդ երկիր շեշտակի աճել է:
Էրդողանի պատվիրակության մեջ է 500 պաշտոնյա և գործարար:
Թուրքական արշավը Պարսից ծոցի արաբական երկրներ աննախադեպ է, քանի որ այսօր մեկ այլ երկիր` Եմեն է մեկնել Թուրքիայի նախագահ Աբդուլլահ Գյուլը:
Այս մասին հաղորդում է SABA եմենյան լրատվական գործակալությունը: Երկու երկրների նախագահները կմասնակցեն երկու երկրների հարաբերություններին նվիրված գագաթաժողովին: Թուրքական կողմը նախատեսում է ավելացնել ներկրումն արաբական այդ երկիր, ինչպես նաև թուրքական ներդրողների համար Եմենում ներդրումներ իրականացնելու պայմաններ ստեղծել:
Երկկողմ բանակցությունների ընթացքում կքննարկվեն մերձավորարևելյան խաղաղության գործընթացին, Թուրքիա-ԵՄ հարաբերություններին, ինչպես նաև ահաբեկչության դեմ պայքարին, ծովային անվտանգության և Իսլամական կոնֆերանս կազմակերպության շրջանականերում համագործակցելուն առնչվող հարցեր:
Գյուլի հետ Եմեն են ժամանել ավելի քան 100 թուրք գործարարներ: