«Իմպուլս»-ի պաշտոնական կայքը տեղեկացնում է, որ թիմն այսօր Կիպրոսում իր 2-րդ ստուգողական հանդիպումն անցկացրեց ՌԴ-ի 1-ին դիվիզոնի առաջնությունում 20 թիմերի մրցապայքարում 13-րդ հորիզոնականը զբաղեցնող Խաբարովսկի «ԲՄԱ-Էներգիա»-ի հետ և պարտվեց 1:3 հաշվով: Խաղը շատ ակտիվ սկսեցին «Իմպուլս»-ի ֆուտբոլիստները և խաղասկզբում Նորայր Գյոզալյանի խփած գոլի շնորհիվ առաջ անցան հաշվի մեջ:
Խփած գոլից հետո «Իմպուլս»-ն ուներ տարածքային և խաղային առավելություն, սակայն առաջին խաղակեսի վերջնամասում գնդակ ընդունեց սեփական դարպասը: Երկրորդ խաղակեսում «ԲՄԱ-Էներգիա»-ն ևս 2 անգամ գրավեց «Իմպուլս»-ի դարպասը և հաղթեց 3:1 հաշվով: Դիլիջանյան ակումբը Կիպրոսում ևս մեկ ստուգողական հանդիպում կանցկացնի, սակայն մրցակիցը դեռ հայտնի չէ:
Նշենք, որ փետրվարի 22-ին և 23-ին «Իմպուլս»-ին Կիպրոսում միացան կենտրոնական պաշտպաններ բրազիլացի Ջուլիանո Խիմենեսն ու գանացի Ալհասան Իլիասուն, ովքեր մասնակցեցին վերոգրյալ հանդիպմանը:
