Գերմանիայի Դաշնային Հանրապետության զինված ուժերի հրամանատարությունը որոշում է կայացրել փակել Աֆղանստանի հյուսիսում գտնվող Տալուկան քաղաքի ռազմաբազան այն բանից հետո, երբ ամերիկացի զինվորների կողմից Ղուրանի օրինակներն այրելուց հետո անկարգություններ են սկսվել երկրում: Այս մասին, ինչպես հաղորդում է ITAR-TASS-ը, հայտարարել է բունդեսվերի ներկայացուցիչը:
Այս պահին ISAF-ի կազմում բունդեսվերի կոնտինգենտը հասնում է 4900-ի: 2013 թ. նախատեսվում է կրճատել այդ թիվը մինչև 4400: 2002 թ. առաքելության սկզբից այս երկրում զոհվել է 52 գերմանացի զինծառայող:
Հիշեցնենք. շաբաթվա սկզբին տեղեկություն տարածվեց, որ Աֆղանստանի Բահրամ քաղաքի ամերիկան ռազմաբազայում այրել են Ղուրանի մի քանի օրինակներ և իսլամական այլ սուրբ գրքեր: Դրանից հետո Աֆղանստանում բռնկվեցին զանգվածային անկարգություններ: Մասնավորապես հաղորդվում էր, որ Քաբուլում օտարերկրացիների հյուրանոց են հրդեհել:
ՆԱՏՕ-ի ղեկավարությունն ու Պենտագոնի ղեկավար Լեոն Պանետան արդեն ներողություն են խնդրել Աֆղանստանի ժողովրդից և իշխանություններից ամերիկացի զինվորների գործողությունների համար: Երեկ ամերիկացի զինվորների գործողությունների համար ներողություն խնդրեց նաև ԱՄՆ նախագահ Բարաք Օբաման:
