Ինչպես հաղորդում է ամերիկյան WTVM հեռուսաալիքը, այսօր առավոտյան ԱՄՆ Արիզոնա նահանգում հրաձգության հետևանքով ծանր հրազենային վնասվածներ է ստացել ԱՄՆ Ներկայացուցիչների պալատի անդամ, Դեմոկրատական կուսակցության ներկայացուցիչ, 40-ամյա կոնգրեսական Գաբրիել Գիֆորդսը: Դեպքը տեղի է ունեցել Թաքսոն քաղաքում հանրային միջոցառման ժամանակ:
Քիչ առաջ CNN-ը հայտնեց, որ մահացել են 6 հոգի, ներառյալ` շրջանային դատարանի դատավոր Ջոն Ռոլը և 9-ամյա մի աղջիկ, 12-ը ծանր վիրավորվել են, այդ թվում` և Գիֆորդսը: Գիֆորդսի մահը չի հաստատել տեղի բժշկական կենտրոններից մեկի ղեկավարը, ուր տեղափոխել են ծանր վիրավորված կոնգրեսականին, թեպետ CNN և Fox News հեռուստաալիքները ավելի վաղ հայտնել էին նրա մահվան մասին:
Նախնական տվյալներով, կոնգրեսականը վիրավորվել է գլխի հատվածում:
Կան տեղեկություններ, որ հանցագործը, որը 22-23 տարեկան սպիտակամորթ երիտասարդ է, վնասազերծվել է տեղի անցորդներից մեկի կողմից: Հեռուսաալիքները հայտնում են, որ նա ձերբակալված է:
Գիֆորդսի վիրահատությունն արդեն ավարտվել է, նրան տեղափոխել են վերականգնողական բաժանմունք: