Վարդագույն ադամանդը աշխարհում ամենաարժեքավոր զարդերից մեկն է: Այժմ Ավստրալիայի հանքագործները հայտնաբերել են երկրի վրա երբևէ եղած ամենամեծ ադամանդը:
Ընկերությանը պատկանող աշխարհի ադամանդների մոտավորապես 90 տոկոսը արտադրող Argyle հանքահորը գտնվում է Կիմբերլ տարածաշրջանում: Աշխատակիցները հայտնաբերված օրինակն աննախադեպ են որակել:
Վարդագույն ադամանդների մասին նշվում է «Վարդագույն ընձառյուծ» ֆիլմաշարում: Ֆիլմի վերնագիրը վերաբերում է հենց նույն զարդին, որի մեջ կարելի է տեսնել ընձառյուծի ուրվագիծը, երբ այն հատուկ ձևով պահվում է լույսի տակ:
Եզակի այս նմուշը մշակվելուց հետո ապահով և անվտանգ կպահվի մինչև Argyle-ի «Տարեկան վարդագույն ադամանդների» մրցույթում աճուրդի հանվելը:
Ոսկերչական իրերի մասնագետ Յեոու Քուիկը CNN-ին ասել է, որ առայժմ դժվար է քարի մասին դատողություններ անել, քանի դեռ այն չհղկված է: Թե որքան կկազմի ադամանդի արժեքը՝ կախված է մշակման գործընթացից: Դա նաև կախված է քարի գույնից և պարզությունից: Նա բացատրել է, որ մշակվելուց հետո քարերի մեծ մասը կորցնում են իրական չափի 50 տոկոսը:
Վարդագույն ադամանդի համար վճարված գումարի ռեկորդը՝ 29 միլիոն դոլար, սահմանվել է 2010 թվականին: Այն կշռել է 24.78 կարատ, որը գնել է բրիտանացի մի միլիարդատեր ոսկերիչ: