Ավստրալիայի գիտնականները իրենց հետազոտությունների ընթացքում հայտնաբերել են Թասմանիայի կետի մի յուրահատուկ տեսակ, որի գոյության մասին նախկինում միայն գրավոր ապացույցներ կային, իսկ այժմ գիտնականներին հաջողվել է անգամ լուսանկարել կետին, տեղեկացնում է RBC-TV-ն:
Առաջին անգամ կետի այս տեսակի գոյության մասին գիտնականները հայտարարել են դեռևս 1933 թվականին: Այն ժամանակ ծովագնացները յուրահատուկ տեսակի կենդանուն հայտնաբերել էին Նոր Զելանդիայի ափերին:
Ըստ օվկիանոսագետների ենթադրությունների` կետի այս տեսակը, որի երկարությունը մոտ 9 մ է, ապրում է հսկայական խորության վրա և ջրի մակերես է դուրս գալիս շատ հազվադեպ:
Կենդանիների պոպուլյացիաների մասին տեղեկատվություն առայժմ չկա: Գիտնականները կարծում են, որ Թասմանիայի կետն ամենից պարզունակ և հնագույնն է կետի տեսակների մեջ: