Նոր հետազոտությունը հաստատել է, որ լարված օրվա հետևանքներից ազատվելու համար լավագույն միջոցը աջակցող զուգընկեր ունենալն է:
Ուսումնասիրության հեղինակ պրոֆեսոր Ուայն Հոշուորթերը պարզել է, որ չափազանց լարված աշխատանքով զբաղվողները ավելի լավ են կենտրոնանում, ավելի դրական հարաբերություններ են ունենում մնացած գործընկերների հետ, եթե անձնական ներդաշնակ կյանքով են ապրում:
Աշխատանքային լարվածության հետ կապված նախկին ուսումնասիրությունները պարզել են, որ սթրեսը կարող է մի շարք հոգեկան և ֆիզիկական հիվանդությունների պատճառ դառնալ, ինչպիսիք են դեպրեսիան և գիրությունը: Բայց այս ուսումնասիրությունը ցույց է տալիս սթրեսի բացասական ազդեցությունը աշխատողների վարքի վրա հենց աշխատավայրում, ինչը կարող է էլ ավելի լարված իրավիճակի պատճառ դառնալ:
Հետազոտությունները բացահայտել են բարենպաստ և անբարենպաստ աջակցության հիմնական գործոնները: Իրազեկված լինելով կողակցի ամենօրյա աշխատանքային խնդիրների մասին, կապը մշտապես պահպանված կլինի զույգերի միջև, և հնարավոր կլինի հասկանալ` երբ է զուգընկերը չափազանցնում կամ թերանում աշխատանքի մեջ:
Երբ մարդը վհատված է կամ հուզված, զուգընկերոջ քաջալերանքը, նրա զրուցելու և հանգստացնելու ունակությունը նույնպես վճռորոշ դեր են կատարում: Սակայն խորհուրդ չի տրվում մրցակցության մեջ մտնել միմյանց հետ, թե ով է ավելի վատ օր ունեցել կամ ով է ում ավելի շատ աջակցում:
Պրոֆեսոր Հոշուորթերի փոխանցմամբ՝ երբ որևէ հարաբերության մեջ լարվածություն կա, հնարավորությունը մեծ է կամ էլ ավելի մտերմացնելու մարդկանց, կամ նրանց հեռացնելու իրարից: Հաջողակ զույգերը գրեթե միշտ ամուր աջակցություն են ցուցաբերում միմյանց և հաղթահարում առավել լարված օրերը: