Լոնդոնցի գովազդային աշխատողներ Ուիլյամ Բերնհարդտը (William Bernhardt) և Մեթյու Միֆսուդը (Matthew Mifsud) որոշել են աշխատանք գտնել` իրենց «ուղեղները» eBay օնլայն խանութում վաճառքի հանելով: Այս մասին ասվում է նախագծի աջակցման համար ստեղծնած Brains unLtd կայքում:
«Ուղեղները» վաճառքի կհանվեն հինգշաբթի` փետրվարի 24-ին: Մեկ «ուղեղի» նախնական գինը 1 ֆունտ ստերլինգ է:
Այս քայլով բրիտանացի գովազդային աշխատողները մտադիր են գրավել կրեատիվ տնօրենների, գովազդային գործակալությունների և մասնավոր հաճախորդների ուշադրությունը, որոնց իրենք խոստանում են ապահովել «մրցանակի արժանի գաղափարներով»:
Brains unLtd կայքում առաջարկվում է գնել ինչպես «ուղեղներն» ամբողջությամբ, այնպես էլ դրանց առանձին մասերը:
Բերնհարդտն ու Միֆսուդը պատրաստ են վաճառել իրենց «ուղեղների»` Adobe ծրագրին, ֆրանսերեն լեզվի տիրապետող, ինչպես նաև երաժշտական տաղանդ և նկարչական մեծ ունակություններ ունեցող մի մասը:
Ինչպես տեղեկացնում է lenta.ru-ն` նախկինում այս երկու բրիտանացի գովազդատուներն աշխատել են VCCP գովազդային գործակալությունում: Նրանք համագործակցում էին այնպիսի ապրանքանիշների հետ, ինչպիսիք են
Suzuki և easyJet: