Եվրամիության արտաքին քաղաքականության և անվտանգության հարցերով գերագույն հանձնակատար Քեթրին Էշթոնը դատապարտել է երեկ Սիրիայի Հոմս քաղաքում արևմտյան ԶԼՄ-ների 2 ներկայացուցիչների և 1 սիրիացի լրագրողի սպանությունը: Այս մասին հաղորդում է RIA-Novosti-ն:
Սիրիայի ընդդիմության հավաստմամբ՝ Sunday Times-ի ամերիկացի լրագրողուհի Մերի Քոլվինը և ֆրանսիացի ֆոտոլրագրող Ռեմի Օշլիկը զոհվել են հակակառավարական ակտիվիստների մամուլի կենտրոնի ռմբակոծության ժամանակ:
«Մամուլը պետք է հնարավորություն ունենա իրականացնել իր կենսական կարևոր դերը Սիրիայի իրադարձությունների մասին անկախ տեղեկատվություն ապահովելու հարցում»,- ավում է Էշթոնի հայտարարության մեջ:
ԵՄ գերագույն հանձնակատարը կոչ է արել Սիրիայի իշխանություններին անհապաղ վերջ դնել բռնության գործողություններին և զորքերը դուրս բերել շրջափակված բնակավայրերից՝ թույլ տալով միջազգային մարդասիրական կազմակերպություններին օգնություն ցուցաբերել տուժած բնակչությանը:
Հիշեցնենք. ավելի վաղ Սիրիայի իշխանությունները հայտարարում էին, թե չեն իմացել, որ այդ տարածքում եղել են ամերիկացի և ֆրանսիացի լրագրողներ:
Սիրիայում արդեն մոտ մեկ տարի շարունակվում է հակամարտությունը կառավարական ուժերի և ընդդիմության միջև: Այդ ընթացքում, ՄԱԿ-ի վերջին տվյալներով, զոհվել է ավելի քան 5400 մարդ:
