Առողջ բնակչությունը ոչ միայն որոշիչ նախապայման է երկրի սոցիալ-տնտեսական զարգացման համար, այլև կարևոր նախադրյալ թե´ տնային տնտեսությունների, թե´ հենց անհատների բարգավաճման համար: Ըստ ԱՎԾ-ի տրամադրած տվյալների` հայերն ավելի երկար են ապրում, քան Եվրոպայի և Կենտրոնական Ասիայի (ԵԿԱ) շատ երկրների ժողովուրդները:
Ըստ ԱՎԾ-ի`Հայաստանն ունի առողջապահության լավ համակարգ. երկիրը կարողացել է ապահովել առողջապահության լավ ցուցանիշներ (համաձայն եվրոպական չափորոշիչների): 2010թ.-ի հունվարի 1-ի դրությամբ կյանքի սպասվող տևողությունը` ծնվելու պահից, տղամարդկանց մոտ կազմել է 70.6 տարի, որն ավելի բարձր ցուցանիշ է, քան ԵԿԱ շատ այլ երկրներում, իսկ կանանց մոտ` 77.0 տարի: Այդ երկու ցուցանիշն էլ գերազանցել են 1990թ.-ին գրանցված համապատասխան
մակարդակները:
