Այսօր Ճապոնիայում նշում են կատուների օրը, ինչի կապակցությամբ երկրի մի շարք քաղաքներում իրականցվում են կատվատերերի հանդիպումներ, մի շարք խանութներ առաջարկում են Կատվի օրվա համար խորհրդանշական հատուկ ապրանքներ, իսկ կատուների տերերիը փորձում են հատուկ ձևով վերաբերվել իրենց կենդանիներին:
Ճապոնիայում կատուների օրը նշվում է 1987 թվից՝ կատվի կեր արտադրող ընկերություններից մեկի առաջարկով: Տոնը նշվում է տարվա երկրորդ ամսի 22-ին, քանի որ «2-2-2» թիվը ճապոներեով հնչում է «նի-նի-նի», ինչը ճապոնացիներին հիշեցնում է կատվի մլավոց:
Կատուների օրը մեծ մասսայականություն է վայելում երկրում, և աստիճանաբար ձեռք է բերում միջազգային ճանաչում հատկապես ճապոնական կոմիքների և անիմացիայի սիրահարների շրջանում:
Կատուների օրը, ավանդույթի համաձայն, մեծ թվով այցելուներ են ունենում կատուների սրճարանները, որտեղ կարելի է մեկ գավաթ սուրճի խմելով՝ շոյել ցանկացած կատվի, որոնք ազատ շրջում են սրճարանում: