Ինչպես հաղորդում է Reuters գործակալությունը, Եմենի զինվորական շարասյան վրա կատարված հարձակման արդյունքում զոհվել է 12 մարդ, ևս երեքը վիրավորվել են:
Հարձակումը կազմակերպել է Ալ-Ղաիդա ահաբեկչական խմբավորման Եմենի մասնաճյուղը: Հարձակումը տեղի է ունեցել Լաուդար քաղաքում, որը գտնվում է երկրի մայրաքաղաք Ադենից դեպի հյուսիս-արևելք: Գրոհայինները հարձակվել են զինվորական շարասյան վրա, որն ուղեկցում էր մթերքով բեռնված ավտոմեքենաները: Հարձակման ժամանակ օգտագործվել են նռնականետներ և հրաձիգ: Այս պահին հայտնի չէ, թե գրոհայինների շրջանում եղե՞լ են զոհեր, թե՞ ոչ:
Ըստ արևմտյան վերլուծաբանների` Եմենը շարունակում է մնալ Ալ-Ղաիդայի հիմնական կենտրոններից մեկը, որտեղից կազմակերպվում են հարձակումներ և ահաբեկչական գործողություններ այլ երկրներում: Պատահական չէ, որ վերջերս պայթուցիկով լցված քարթրիջները, որոնք ուղարկվել էին ԱՄՆ, ինքնաթիռների մեջ էին հայտնվել հենց եմենյան փոստի մջոցով: Բացի այդ, եմենյան մասնաճյուղը պարբերաբար հարձակումներ է իրականացնում հենց Եմենի ներսում: