ԱՄՆ նախագահ Բարաք Օբաման չի դիմացել գայթակղությանը և սկսել է երգել իր փոքր հայրենիքի՝ Չիկագոյի հիմնը Միք Ջագերի և այլ կատարողների հետ, որոնք մասնակցում էին Սպիտակ տանն անցկացվող բոլոր ժամանակների լավագույն բլյուզ երաժիշտների երեկույթին,- հաղորդում է Associated Press-ը:
Երաժիշտները, որոնց թվում եղել են նաև երիտասարդ կատարողներ, երեքշաբթի հավաքվել են Սպիտակ տանը՝ մասնակցելու բլյուզի երեկույթին, որն անցկացվում էր սևամորթ բնակչության պատմության ամսի շրջանակներում:
«Դե, փոքրիկս, դու չե՞ս ուզում գնալ»,- երկու անգամ երգել է ԱՄՆ նախագահը Sweet home Chicago երգի բառերը՝ բարձրախոսը փոխանցելով հայտնի բլյուզ երաժիշտ Բի Բի Քինգին:
Չնայած 86-ամյա երաժիշտը Սպիտակ տուն էր եկել անդամալույծի սայլակով, նա բառացիորեն պայթեցրել է երեկոն Let the Good Times Roll երգով՝ բարձրանալով սայլակից:
Բարաք Օբաման նշել է, որ նախագահի պաշտոնը, մի շարք առավելությունների հետ, որոշ թերություններ ունի: Այսպես՝ նա խոստովանել է, որ չի կարող պարզապես դուրս գալ զբոսանքի: Բայց միևնույն ժամանակ կան բաներ, որոնք փոխհատուցում են նման անհարմարությունները և հիասթափությունները, ինչպես, օրինակ, նման երեկույթները:
Երեկույթի նախապատրաստման ժամանակ «Գրեմմի» մրցանակակիր երաժիշտ Քեբ Մոն կատակել էր, որ Օբաման կարող է և ինքը ելույթ ունենալ, և հնարավոր է, որ նրան հաջողվի անգամ երգ ձայնագրել: Քեբ Մոյի խոսքերով՝ «նախագահը երգը» պետք է կոչվի «Երկրորդ ժամկետից հետո ես վերջապես կարողացա ձայնագրվել»: Ամեն դեպքում, այժմ ԱՄՆ նախագահը բոլոր հնարավորություններն ունի ուժերը փորձել բլյուզի լեգենդար վարպետների հետ:
