Հոլիվուդյան Paramount Pictures ընկերությունը դատարան է դիմել` նպատակ ունենալով արգելել ամերիկացի գրող Մարիո Պյուզոյի (1920-1999 թթ.) կուլտային «Կնքահայրը» վեպի շարունակությունը: Այս մասին հայտնում է Hollywood Reporter-ը:
Նրա տեղեկություններով` հայցը ներկայացվել է վիպասանի որդու` Էնթոնի Ռուցցոյի դեմ, որը, ըստ կինոստուդիայի, խախտել է ու մտադիր է խախտել համաձայնագիրը, ըստ որի` Paramount Pictures-ին են պատկանում ստեղծագործության գրական ու կինեմատոգրաֆիական հեղինակային բացառիկ իրավունքները: Այս մասին հաղորդում է ITAR-TASS գործակալությունը:
Դատական հայցում ներկայացված է, որ 1969 թ. Paramount Pictures-ը ձեռք է բերել հայտնի վեպի հեղինակային իրավունքների մի մասը, որի համաձայն` կինոստուդիային են տրվել վեպի հետագա շարադրման բացառիկ իրավունքները:
Փաստաթղթին համապատասպան 1972 թ. նկարահանվել է «Կնքահայրը» ֆիլմը ռեժիսոր Ֆրենսիս ֆորդ Կոպոլայի գլխավորությամբ, իսկ 1974 և 1990 թթ. Նկարահանվել են ֆիլմի շարունակությունները:
Պյուզոյի մահից հետո`1999 թ., նրա որդին հետաքրքրություն ցուցաբերեց վեպի հետագա շարունակության նկատմամբ, որ գրվել էր այլ հեղինակների կողմից:
2002 թ. Paramount Pictures-ը և գրողի ժառանգը կնքեցին հուշագիր, որը Random House հրատարակչատանն ընձեռում էր իրավունք` հրատարակել միայն վեպի հետագա շարադրանքի միայն մեկ շարունակություն:
Երկու տարի անց լույս տեսավ «Կնքահոր վերադարձը» վեպը:
Պյուզոյի ժառանգները, չբավարարվելով դրանով, 2006 թ. տեղյակ չպահելով կինոստուդիային, հրատարակեցին «Կնքահոր վրեժը», որը շատ վատ վաճառվեց:
Paramount Pictures-ի հայցի համաձայն` «Կնքահոր վրեժը» վեպը խախտել է հուշագիրը` «օրիգինալը զրկելով իր փայլից ու ընթերցողներին մոլորեցրել է մարկետինգի ու գովազդի օգնությամբ»:
Paramount Pictures-ը Մարիո Պյուզոյի որդուն կասկածում է վեպի հետագա շարունակությունը գրելու մեջ ու դատարանից պահանջում է դա թույլ չտալ:
«Կնքահայրը» ֆիլմն իր ստեղծողներին բերեց ավելի քան 268 մլն դոլար, երկրորդ մասը` 193 մլն դոլար, երրորդը` 136.8 մլն դոլար: