Իսրայելական հետախուզության նախկին ղեկավար Մեյիր Դագանը հայտարարել է, որ մինչև 2015թ.-ը Իրանն ի վիճակի չէ ստեղծելու միջուկային զենք: Նա նշել է, որ այս պահին ռազմական գործողությունների օգնությանը դիմելու անհրաժեշտություն չկա: Թե ինչ փաստերի վրա է հիմնված Դագանի այս հայտարարությունը` վերջինս չի նշել:
Այս մասին հաղորդում է Curcor իսրայելական կայքը:
Ի դեպ, Դագանի հայտարարությունը տարբերվում է իսրայելական իշխանությունների` վերջերս արած հայտարարություններից: 2010թ. պաշտպանության գործող նախարար Էհուդ Բարաքը հայտարարել էր, որ Իրանն արդեն 2011թ. կարող է ստեղծել միջուկային զենք, իսկ ռազմավարական ծրագրավորման նախարար և իսրայելական բանակի գլխավոր շտաբի նախկին ղեկավար Մոշե Յաալոնն էլ իր հերթին ասել էր, որ Իրանին միջուկային զենք ստանալու համար անհրաժեշտ է 3 տարի:
