«Առաջին լրատվականը» տեղեկացրել է, որ տարօրինակ կերպով մի քանի հազար թռչուններ էին սատկել ԱՄՆ Արքանզաս և Լուիզիանա նահանգներում, ինչպես նաև Շվեդիայում: Ընդ որում, թռչուններն անձրևի պես երկնքից թափվում են արդեն սատկած: Մասնագետները չեն կարողանում սրան բացատրություն տալ:
Հիմա էլ նոր դեպքեր են գրանցվել Իտալիայում և Կանադայում:
Իտալիայի Ֆայենցա քաղաքում հայտնաբերվել էին թռչունների մեկ հազարից ավելի դիակներ: Նախնական տվյալներով, նրանք մահացել են հիպոկսիայից` թթվածնային քաղցից, սակայն մասնագետները չեն կարողացել պարզել, թե ինչից է դա առաջանում:
Հիմա էլ նոր դեպք է գրանցվել Կանադայում, որտեղ նույն վայրում հայտնաբերվել են մի քանի տասնյակ սատկած աղավնիներ:
Ինտերնետն արդեն լի է տարբեր վարկածներով: Ամենատարածվածն այն է, որ մոտ է աշխարհի վերջը: Այս միտումն ուժեղանում է այն պատճառով, որ մասնագետները չեն կարողանում հստակ պատասխանել, թե որն է թռչունների մասսայական անկման պատճառը: