Ադրբեջանական Salam News գործակալության փոխանցմամբ՝ Ադրբեջանի ԱԳՆ-ը գրավոր ձևով պատասխանել է Իրանի նոտային, որը փետրվարի 12-ին ներկայացվել էր Իրանում Ադրբեջանի դեսպանին: Այս մասին հայտարարել է Ադրբեջանի ԱԳՆ-ի մամլո քարտուղար Էլման Աբդուլաևը:
Վերջինս ընդգծել է, որ Իրանի պատասխան նոտայում արտացոլված է Ադրբեջանի «փաստարկված» դիրքորոշումը, որ իր հասցեին Իրանի մեղադրանքերը «կեղծ են ու անհեթեթ»:
Հիշեցնենք, որ այն բանից հետո, ինչ բրիտանական մամուլը գրեց, թե իսրայելական «Մոսսադ»-ը հակաիրանական գործունեություն ծավալելու հարցում լայնորեն օգտագործում է Ադրբեջանի տարածքը, Իրանը նոտա հղեց ադրբեջանական կողմին:
