Ճապոնական Ֆուկուի պրեֆեկտուրայում անջատվել է «Տակահամա» ատոմակայանի վերջին ռեակտորը` տեխնիկական փորձաքննություն անցկացնելու համար: Այս մասին լրատվամիջոցներին հաղորդել է Kansai Electric Power ընկերությունը:
Ըստ ITAR-TASS գործակալության` այս ռեակտորի անջատումից հետո Ճապոնիայում գործում են ընդամենը երկու ռեակտորներ: Ընդ որում, այս երկուսն էլ պետք է դուրս բերվեն շահագործումից` տեխնիկական զննություն անցկացնելու նպատակով:
Ճապոնիայում ընդհանուր առմամբ շահագործվում էին 54 մասնավոր ատոմային ռեակտորներ: Անցած տարվա երկրաշարժից և «Ֆուկուսիմա» ատոմակայանում տեղի ունեցած վթարից հետո որոշում կայացվեց դադարեցնել ատոմակայանների մեծ մասի աշխատանքը` տեխնիկական զննություն անցկացնելու համար: Այս անջատումների հետևանքով Ճապոնիայում նկատվում է էլեկտրաէներգիայի պակաս:
