Վերլուծաբան Հակոբ Բադալյանը Facebook-ի իր էջում այսօր գրում է.
Իրականում, Երևանի ավիրումը սկսվել է ոչ թե նոր, կամ ոչ թե տասը տարի առաջ, կամ ոչ թե անկախության շրջանում, այլ ավելի վաղ՝ էն ժամանակ, երբ քաղաքը դարձնում էին միլիոնանոց, որ մետրո սարքեին կամ այլ բաների համար Մոսկվայից փողեր պոկեին:
Ու էդ ժամանակ ոչ միայն Երեւանի ավիրումն է սկսել, այլ ամբողջ Հայաստանի, երբ շրջաններից մարդկանց բերել ու Հայաստանի կեսը մի քաղաքում են կենտրոնացրել, հենց Մոսկվայից փողեր պոկելու համար:
Բայց չգիտես ինչու հիմա շատ շատերը գլոբալ, ստրատեգիական ավերի այդ ժամանակարջանն ինչ որ կարոտով են հիշում, իսկ այդ ժամանակվա պատասխանատուներին ազգային հերոսի կոչում են տալիս, ինչ որ հերոսական դիֆերամբներ են ձոնում:
Կարծում եմ, որ Երևանի ապագայի համար շատ կարևոր է իմաստավորել ավերն ամբողջությամբ՝ ե՞րբ է ասկսել, ի՞նչ բնույթ է կրել, որովհետեւ հիմա մենք մեծ հաշվով այդ ստրատեգիական ավերի հետևանքներ ենք տեսնում, ընդ որում ոչ միայն Երևանի մասշտաբով:
