Ռուսական կոմեդիայի հայազգի աստղ Միխայիլ Գալուստյանը Comedy club-ի իր գործընկեր Ալեքսեյ Նովացկու հետ (Ալեքսանդր Րեվվա) ստեղծել են «Գալուստյան» պրոդյուսերական կենտրոնը: Դատելով փաստաթղթերից՝ այն կզբաղվի գրականությամբ, արվեստով, ինչպես նաև գովազդով և ֆիլմերի վարձույթով: Գալուստյանը գրանցել է իր հեղինակային իրավունքը Օլիմպիական արջուկի տեսքով:
Գալուստյանի մասնաբաժինը պրոդյուսերական բիզնեսում կազմում է 95%: Նոր ընկերության համասեփականատեր Նովացկին արդեն փորձված է կոմեդիաների արտադրության մեջ. նա Enjoy Movie կինոընկերության համահիմնադիրներից է: Գալուստյանը իր գործունեության մասին հրաժարվել է որևէ մեկնաբանություն տալ:
Ինչպես Marker բիզնես թերթին հայտնել է Базелевс ընկերության տնօրեն Նիկիտա Տրինկինը, «Գալուստյանը» միանգամայն մեծ հեռանկարներ ունի՝ որպես կինոարտադրող:
«Ռուսական կինոն անցյալ տարվա ընթացքում զբաղեցրել է կինոթատրոնների ընդամենը 16%-ը: Դա նշանակում է, որ կինովարձույթի շուկան շատ ավելի մեծ է, քան կարող են իրացնել ռուս արտադրողները: Եվ ցանկացածա արտադրող, որը լավ է ճանաչում լսարանը և ի վիճակի է ստեղծել որակյալ արտադրանք, մեծ դաշտ ունի»,- ասել է փորձագետը:
Ուշագրավ է, որ անցյալ տարի կատակով լուրեր ին շրջանառվում, որ Սոչիի Օլիմպիադայի խորհրդանիշը կլինի Միշա Գալուստյանը, այժմ դա իրականություն է դարձել: Գալուստյանը գրանցել է իր հեղինակային իրավունքները Օլիմպիական արջուկի նկարի տեսքով, որում ակնհայտորեն երևում է, որ նա օգտագործում է օլիմպիական օղակի պատկերը: Առայժմ հայտնի չէ՝ ինչպես է դրան արձագանքել Միջազգային օլիմպիական կոմիտեն:
Դատելով փաստաթղթերից՝ այդ պատկերը նախատեսվում է օգտագործել կինոարտադրության և կինովարձույթի գործունեության, ինչպես նաև երաժշտական գործիքների, խաղային ավտոմատների արտադրության մեջ:
