Սոցիալական արդարության համաշխարհային օրը 2007 թ. ընդունվել է ՄԱԿ-ի Գլխավոր ասամբլեայի կողմից Ղրղզըստանի առաջարկությամբ: Այս մասին հաղորդում է ՄԱԿ-ի նորությունների կենտրոնը:
«Անցած տարի երկրագնդով անցավ փոփոխությունների քամին: Միլիոնավոր մարդիկ արտահայտեցին իրենց դժգոհությունը ստեղծված խնդիրների դեմ` անհավասարություն, կոռուպցիա, արժանավայել աշխատանքի բացակայություն:
Ժողովրդական զանգվածների նախաձեռնությունն ըստ էության սոցիակականն արդարության կոչ է»,- նշված է ՄԱԿ-ի գլխավոր քարտուղար Պան Գի Մունի ուղերձում:
Նրա խոսքով` համընդհանուր սոցիալական արդարության հասնելը օրգանապես կապված է զարգացման ոլորոտում համաձայնեցված նպատակների իրականացման հետ, որ ձևակերպված են Հազարամյակի մարտահրավերների, սոցիալական զարգացմանը նվիրված կոպենհագենյան հանդիպումների ու այլ ֆորումների ժամանակ:
Մոտ ապագայում կայանալիք՝ կայուն զարգացմանը նվիրված «Ռիո+20»-ի ընթացքում, ինչպես նկատել է Պան Գի Մունը, հնարավորություն կառաջանա վերանայել զարգացման մեթոդներն ու գործողություններն այնպիսի եղանակով, որ դրանք ապահովեն ավելի հաստատուն ու արդար ապագա:
«Կայունությունը կախված է շուկաների դասավորությունից, որը լավ կտեղաբաշխի զարգացման արդյունքում ստեղծվող բարիքը։ Դա կնշանակի աճող պահանջարկը բավարարել ավելի էկոլոգիական ծառայությունների ու արտադրանքի միջոցով: Դա նշանակում է նաև դնել այն հիմքը, որը բոլորին կխոստանա արժանավայել, կայուն ու լայն հնարավորություններով կյանք»,- նշված է ուղերձում:
